บ้านกลอนน้อย - กลอนสบายๆ สไตล์ลิตเติลเกิร์ล

** จ๊ะต๋าคนจร **

เกิดเป๋นคนจ๋น ตุ๊กทนเจ่นล้ำ  เงินคำว่าอั้นบ่อมี
ฮับจ้างตะเจ้า เฒ่าแก่โรงสี  เปิ่นน้ำใจ๋ดี หื้อมีรายได้
กึ๊ดมาแล้วหนา เป๋นดีไค่ไห้ จ๊ะต๋าปาไปอย่างนี้
บ่อใจ่ขี้ค้าน อยู่บ้านหลายปี๋ ชอกช้ำชีวี อ้ายนี้ยากไบ้

จ๋ำเป๋นแล้วก๊า ป๊กคัวล่องใต้ จะยะจะได จีวิต
เป๋นเพราะความหิว จึ่งได้วิ่งวิด เซาะหาหมากเบี้ย เงินทอง
ผ่อไปตางไหน มันหยั๋งมาหมอง ขึ้นกองล่องกอง เกิบถองหมดเสี้ยง
ตูบหน้อยหมาแหงน เก็บของออกเกลี้ยง ขอเลี่ยงลาไป ก่อนแล้ว

น้ำต๋าไหลชื้น ขึ้นรถสองแถว ละหมอนจรแจว ไปต๋ายดาบหน้า
ง่วงเหงาหาวนอน ลืมหลังลืมหน้า มาถึงแล้วกา ต่ารถ
คนจะไปไหน เสียงดังอ๊ดอ๊ด บ่อหมดบ่อเสี้ยง แต้นา
พ่องเป็นป่อก้า แม่ก้าขายป๋า หมากเมี้ยงปูยา ซื้อหาจ่ายได้

เป็นดีไค่ต๋าย ป๋านดีไค่ไห้ ไผลักเอาไป เหียแต้
เฮาแสนโศกตุ๊ก ปุ๊กห่อยาแก้ ถุงปุ๋ยคัวใบ หายจ้อย
ยะอย่างไดหา บ่อหน้าสักหน้อย นั่งกึ๊ดนอนกอย ฟั่งฟั้ง
มาต๊กสะกึ๊ด ตะลึงปึ๋งปั๋ง ป๊กผ้านั้นยัง อยุ่หลังหลองเข้าๆ เอ้อ.. นั้นเต๊อะ ..ฯ


(http://upic.me/i/lh/copyofp2394074-33.jpg) (http://upic.me/show/47891334)